فيتامين B

من البداية كدة . . مافيش حاجة اسمها فيتامين B، لكن الأسم الصحيح هو: مجموعة فيتامينات B

وده لأن فيه 8 أنواع من فيتامين B

النهاردة هانتعرف على كل واحد فيهم، إيه اسمه المتداول؟ وإيه اسمه العلمي؟ ومصادره الطبيعية إيه ؟ ووظايفه في جسمنا ايه؟

بس خلينا الأول نفهم إيه هي الفيتامينات دي أصلا؟

الفيتامين هو مادة عضوية يحتاجه جسم الكائن الحي عشان يقوم بوظايفه بشكل سليم. وفيه أنواع من الفيتامينات الجسم بينتجها بس بكميات أقل من احتياجه، وأنواع تانية مش بينتجها الجسم. ففي الحاليتن، بياخدهممن مصادر خارجية. الفيتامينات بتنظم نمو الخلايا والأنسجة وبتنظم استخدامهم للمعادن جوة الجسم، وكمان بتساعد الأنزيمات على أداء وظايفها المختلفة.

ودلوقتي بعد ما اخدنا فكرة سريعة عن الفيتامينات، ياللا بينا نبدأ نتعرف على مجموعة فيتامنيات B

1. فيتامين B1:

* اسمه العلمي: ثَيامين

* وظايفه:

تكسير السكر الموجود في الطعام – تكوين بعض النواقل العصبية – انتاج الأحماض الدهنية زي أوميجا-3 – بناء بعض الهرمونات

* مصادره الطبيعية: الحبوب الكاملة – الأرز البني – الخضروات – البطاطس – الكبدة – البيض

2. فيتامين B2:

* اسمه العلمي: ريبوفلافين

* وظايفه: انتاج الطاقة في الخلايا – تكسير الدهون والأدوية – انتاج فيتامين B3 – مساعدة فيتامين B6 في وظايفه

* مصادره الطبيعية: اللبن والزبادي والأجبان – الموز – الفاصوليا الخضراء

3. فيتامين B3:

* اسمه العلمي: نياسين

* وظايفه: انتاج الطاقة في الخلايا – التواصل بين الخلايا – نسخ DNA في الخلايا

* مصادره الطبيعية: اللحوم الحمراء – الأسماك – البيض – المشروم - المكسرات

4. فيتامين B5:

* اسمه العلمي: حمض البانتوثينيك

* وظايفه: بناء الإنزيمات والبروتينات – بناء الدهون

* مصادره الطبيعية: اللحوم الحمراء – البروكلي – الأفوكادو

5. فيتامين B6:

* اسمه العلمي: بيريدوكسين

* وظايفه: تكسير الكربوهيدرات والدهون – استغلال الخلايا للأحماض الأمينية – تحسين أداء المخ – تقوية المناعة – له دور في عمل أكثر من 100 إنزيم مختلف داخل الجسم

* مصادره الطبيعية: اللحوم الحمراء – الخضروات – الموز – المكسرات

6. فيتامين B7:

* اسمه العلمي: بيوتين

* وظايفه: تكسير الكربوهيدرات والدهون والبروتينات – التواصل بين الخلايا – تنظيم DNA

* مصادره الطبيعية: صفارالبيض – الكبدة – الفول السوداني – الخضروات الورقية

7. فيتامين B9:

* اسمه العلمي: حمض الفوليك

* وظايفه: نسخ DNA – استغلال الخلايا للفيتامينات – استغلال الخلايا للأحماض الأمينية – الانقسام الصحيح للخلايا

* مصادره الطبيعية: الخضروات الورقية – المكرونة – الخبز – الكبدة

8. فيتامين B12:

* اسمه العلمي: كوبولامين

* وظايفه: بناء DNA – تخليق خلايا الدم الحمراء – تحسين أداء الجهاز العصبي – استغلال الخلايا للدهون والبروتينات

* مصادره الطبيعية: اللحوم الحمراء – الدجاج – الأسماك – البيض – اللبن

نقص مجموعة فيتامينات B في الجسم بيأثر بشكل سلبي ملحوظ وبيسبب: 1. فقدان الشهية ونقص في الوزن

2. تدهور في أداء الجهاز العصبي

3. ضعف في العضلات

4. ضعف المناعة

5. مشاكل في القلب

6. إمساك وإسهال وصداع

7. جفاف البشرة

8. خشونة الجلد

9. بقع بنية على الجلد

10. تشقق الشفايف

11. تغير لون الأظافر

12. تشقق الأظافر

13. تقصف الشعر

14. سقوط الشعر

15. الاكتئاب

الموضوع المرة دي تقيل، وتحسي كدة إنه قلب حصة Science . . صح؟

أنا معاكي . . بس أنا حبيت أديلك لمحة عن مدى أهمية فيتامينات B وقد إيه كل نسيج في جسمك محتاجهم جدا

أظن كدة قدرتي تشوفي إزاي مستحضرات فيتاتريت الغنية بمجموعة فيتامينات B كلها، تقدر تغير شعرك وبشرتك للأفضل.

وخلصت الحدوتة

لو عندك أي سؤال اكتبيه في الكومنتات وها نرد عليكي في أقرب فرصة

لو عايزة تعرفي عن موضوع معين اكتبي لنا في الكومنتات

لو استفدتي وحاسة إن الموضوع ده هايفيد ناس تانية تعرفيهم اعملي share وخلي اهتمامك بيهم يوصل لهم

#Vitatreat